Thursday, 17 July 2008

Chin ramah Paam tlung

Irrawady |By LALIT K JHA / UNITED NATIONS Thursday, July 17, 2008

Chin State ih um mi 70,000 cu kumtir lamih Zinghnam ih an rawl pawl a ram siat thluh ruangah rawl paam in an um thu India le Thailand ih um Chin mi pawl cun an sim.
Sui Khar , Chin National Font (CNF) joint-secretary le international fundraiser cun UN agencies in hi thuhla hi ngaihven pi dingin a ngen.

“Chin mi pawl le UN agencies pawlin bawmnak cu kan pe konan, siatsuah atuartu an tamtuk ruangah an tulsammi kan pe thluh theilo tiin a sim. A sim vivo nakah cun kan theitawk in hi harsatnak hlensuah kan tum nan mipi tulmi le kan tuahtheimi karlah ah harsatnak tampi kan nei a ti bet.

Sui Khar hin hitivek ih rawl paamnak ihsin an him theinak dingah tiin ramdangah Chin mi ziangmaw tizat an tlan ti khal cun a sim. Mi 1000 lenglo cu daan lo vekin ramri lenglan in India ramah hna hawlin an feh, mi ziangmawtizat in an pehvivo laiding ti khal cun a sim tel bet.

India, Mizoram ih um mi, millian 1 lenglo khalin Zinghnam ruangah harsat an tuar ve.

The International Rice Research Institute (IRRI) cun Zinghnam ih siatsuahnak kumtir hawngah Bangladesh le Burma ramri ah nasa zet in a um thu le karh sinsin ding phan a um thu an sim.

Ramsung suak Rua an par thluh in Zinghnam hi an karh theu tile, hi tivek hi kum 50 ah voi khat a tlen theu thu khal Sui Khar cun a sim ih kum 4/5 lenglo a um ding thukhal a sim tel.

Chin Famine Relief Committee ih an sim danah cun, UN Food and Agriculture Organization (UNFAO) hin paam a thlennak hmun ah hnatuan dingin siannak a pek nan United Nations Development Program (UNDP) in siancin neiin hna an tuan tiin an ti.

Sui Khar cun Kawlram ralkap miuk cu Chin State ih rawl an paam mi tawlrelnak diang ziang hman a um lo ruangah a dem. Bawmnak an pek lo lawng si lo in an rawlbawmnak dingih an pekmi cu an hnen ih zuangsawngnak ih an bawmtum thu a sim ih hiti ih an cangvaihnak cu mifarah hmuhsuam ih hlawktum tiin a dem thu a simbet.
+++++++++++++++++++++++++++++++++++++++++++++++

Tuesday, 8 July 2008

Chindwin Tiva pi fit 6 in sang

Mizzima News - Monday, 07 July 2008 18:44 Than Htike Oo
Rangoon ih Meteorology le Hydrology Department pawl ih an sim danah cun Chindwin Tiva pi cu ttihnung tiih an hminsin nak tlun lamah lanih tidai fit 6 rori in a sang an ti.

Hi tidai Sanlam hin tu hnu ni khat ah fit 3 lenglo a sanglai bet ding tiin Hydrology department cun a dinhmun athat lo thu le a cianglo thu a rel.

Tiva kiangih Khamti khua bazaar ah tidai fit 4 tluk ih sangin a liam. Hmun niam nak ih a um tu pawl an umnak hmun an suah a tul ding thu khal acozah thurintlak cun Mizzima thuthang cu a sim.

Monywa le Kalemyo cu tuni tiangah cun ti a lian hrihlo. Monywa ih khualtlawng pawl ih an sim danah cun Homlin le Maulaik cu tidai ih malai a khah thu an sim.

Homlin le Maulaik hi felfai te ih pehtlaihnak a um lo a sinan Monywa ih um Meteorology Observation station ih an sim dah cun Maulaik ah cun hliam tuar zo hman an um lo thu an sim ve.

Kalaywa ih tidai sanglam hi 1415 cm a siih sml 24 sungah 1550cm lenglo tluk a thlen ding thu Monywa Meteorology le Hydrology Department cun an sim.
+++++++++++++++++++++++++++++++++++++++++++++++

U.N. in ETC bunsak

People's Daily - 14:19, July 07, 2008 : The United Nations cun siatralnak hmun ih thuthang theihter awknak le bawmnak peknak ding a olsam theinak dingah tiin Emergency telecommunication center (ETC) cu Kawlram khawpi hlun Yangon ah an bun tiin Eleven Janal ah an ngan.

Thuhla thantu ih a ngan dan ah cun Kawlram mipawl zungtuan tu dingah UN Emergency Group Groups pawl in a tuahdan an sim thu khal a sim tel.

The UN group pawl hin Bangkok ih um kawlram thlisia a siatsuahnak hmun bawmnak ding hrangah pawlkawm a dingmi pawl khal an bawm.

UN World Food Program (WFP) le UN Development Program (UNDP) pawl khal in leitlun ramtin pawlkawm, non-governmental organization pawl cu bawm in, Laputta, Bagalay, Phyapon, Mawlamyinegyen le Pathein ah kan dung May thla lamah bawmnak an rak pe ve dah zo.

WFP ih a hminsin dan ah cun khuate 9 siatral lakih a him dam umsun mi 29000 pawl hin UN ih bawmnak an hlawk pi zet ti a si.

Netabik ih theihpi hminsinnak ah cun thlisia in mi 84537 lenglo nunnak a lak ih, mi 53836 pawl an umnak theih asi lo bakah hliamtuar mi 19359 an um.
+++++++++++++++++++++++++++++++++++++++++++++++

Bush in G-8 an thurelnakah Kawlram thu reltel

Sun Jul 6, 1:33 PM ETTOYAKO, Japan (AFP) - US President George W. Bush in 6th July cawlhni sun ah Kawlram Ralkap miuk ih innsung khuahkhirhnak ih an hren mi Aung San Suu Kyi suah dingin thu suahnak a tuah sal.

Bush in Japan ih ram 8 hruaitu pawlkawm (G-8) pawl tawnkhawm awknak ih an thu relkhawm nak khalah Kawlram thu a buaipit tumthu a rel bet.

"Kawlram thuthawn thuk zet in kan pehpar aw a si” tiin Bush cun Japanese Prime Minister Yasuo Fukuda hnenah le thuthangla khawm tu pawl thawi an an thurelkhawmnakah a rel sal. Aung San Suu Kyi suah ding khalin ralkap miuk kan fial a si ati bet.

G 8 ram pawl cu Britain, Canada, France, Germany, Italy, Japan, Russia and the United States pawl an si.

+++++++++++++++++++++++++++++++++++++++++++++++

Friday, 4 July 2008

Naupai mipa fanei

Mipa naupai in fa a nei zo.

Thomas Beatie, 34, cun Bend, Oregon ih sizung ah fanu te a neih thu thuthang cun a phuang.

Beatie hin kan dung lai ah nunau ihsin mipa sinak daan vek ih athleng thluh hnu ih nau a pai sal ruangah leilungtlun mi a ti mangbang zo.

Nunau mipa sinak thlengtu Beatie hin a pawhte cu la in tisa dang awmhmul kho thei ding mi in a thleng, asinan a nu nau sinak ah cun zianghman tham lo in le ni khat ni-ni ah naute ka nei sal ding tiin ruah san nak a rak nei cia.

Beatie hi sizungah hmin lem sim in a um thu le nunau nau neiding dang pawl lak ihsin a dang te ih an ret thu, U.S thupuang tu cun a sim.

Beatie hin daan vekin nupi Nancy Beatie thawn an neih awk hnu khalah nau neihtheinak dingin covo aneih thu khal cu a nupi a sim thotho.

Tuikum tir ih Oprah thusuhnak ih a thusimnakah kum 20 a kim tiang hin a taksa ruangpi hi fehsual, thangsungih um vek in a tuar thu a rak sim. Miss Teen Hawaii USA sinak khal in a bang ih cutin awmhmul kho dingin a tuah aw.

Asinan ka nunau sinak ih naupai theinak ah cun zianghman ka tuah lo, ziangruangah tile ni ni khatkhat ah nau neih ka duhsal leh ding ruangah a si a ti bet.

Naupainak ruangah zo ka si ti a tilang cuang lo a ti ih, naupai hi nunau le mipa sinak ruangah a silo, minung ih kan tulmi a si, keikhla mipa ka sinan, ka thisen sungsuak fa ka duh a si a ti bet.

Beatie hin nupa sualnak ihsin naupai si loin, ci thunnak ih naupai mi a si.
+++++++++++++++++++++++++++++++++++++++++++++++